Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 18.216 | Dem. 18.218 (English) | >>Dem. 18.222 |
18.217καὶ ἔγωγʼ ἡδέως ἂν ἐροίμην Αἰσχίνην , ὅτε ταῦτʼ ἐπράττετο καὶ ζήλου καὶ χαρᾶς καὶ ἐπαίνων ἡ πόλις ἦν μεστή , πότερον συνέθυε καὶ συνευφραίνετο τοῖς πολλοῖς , ἢ λυπούμενος καὶ στένων καὶ δυσμεναίνων τοῖς κοινοῖς ἀγαθοῖς οἴκοι καθῆτο . εἰ μὲν γὰρ παρῆν καὶ μετὰ τῶν ἄλλων ἐξητάζετο , πῶς οὐ δεινὰ ποιεῖ , μᾶλλον δʼ οὐδʼ ὅσια , εἰ ὧν ὡς ἀρίστων αὐτὸς τοὺς θεοὺς ἐποιήσατο μάρτυρας , ταῦθʼ ὡς οὐκ ἄριστα νῦν ὑμᾶς ἀξιοῖ ψηφίσασθαι τοὺς ὀμωμοκότας τοὺς θεούς ; εἰ δὲ μὴ παρῆν , πῶς οὐκ ἀπολωλέναι πολλάκις ἐστὶ δίκαιος , εἰ ἐφʼ οἷς ἔχαιρον οἱ ἄλλοι , ταῦτʼ ἐλυπεῖθʼ ὁρῶν ; Λέγε δὴ καὶ ταῦτα τὰ ψηφίσματά μοι .οὐκοῦν ἡμεῖς μὲν ἐν θυσίαις ἦμεν τότε , Θηβαῖοι δʼ ἐν τῷ διʼ ἡμᾶς σεσῶσθαι νομίζειν , καὶ περιειστήκει τοῖς βοηθείας δεήσεσθαι δοκοῦσιν ἀφʼ ὧν ἔπραττον οὗτοι , αὐτοὺς βοηθεῖν ἑτέροις ἐξ ὧν ἐπείσθητʼ ἐμοί . ἀλλὰ μὴν οἵας τότʼ ἀφίει φωνὰς ὁ Φίλιππος καὶ ἐν οἵαις ἦν ταραχαῖς ἐπὶ τούτοις , ἐκ τῶν ἐπιστολῶν τῶν ἐκείνου μαθήσεσθε ὧν εἰς Πελοπόννησον ἔπεμπεν . καί μοι λέγε ταύτας λαβών , ἵνʼ εἰδῆτε , ἡ ἐμὴ συνέχεια καὶ πλάνοι καὶ ταλαιπωρίαι καὶ τὰ πολλὰ ψηφίσματα , ἃ νῦν οὗτος διέσυρε , τί ἀπειργάσατο .
καίτοι πολλοὶ παρʼ ὑμῖν , ἄνδρες Ἀθηναῖοι , γεγόνασι ῥήτορες ἔνδοξοι καὶ μεγάλοι πρὸ ἐμοῦ , Καλλίστρατος ἐκεῖνος , Ἀριστοφῶν , Κέφαλος , Θρασύβουλος , ἕτεροι μυρίοι · ἀλλʼ ὅμως οὐδεὶς πώποτε τούτων διὰ παντὸς ἔδωκεν ἑαυτὸν εἰς οὐδὲν τῇ πόλει , ἀλλʼ ὁ μὲν γράφων οὐκ ἂν ἐπρέσβευσεν , ὁ δὲ πρεσβεύων οὐκ ἂν ἔγραψεν . ὑπέλειπε γὰρ αὐτῶν ἕκαστος ἑαυτῷ ἅμα μὲν ῥᾳστώνην , ἅμα δʼ εἴ τι γένοιτʼ ἀναφοράν .
Ψηφίσματα Θυσιῶν
18.218
18.219
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 18.216 | Dem. 18.218 (English) | >>Dem. 18.222 |